in english  suomeksi svenska norsk korean français español català japanese chinese(trad) chinese(simplified)

Lávlaga dahje bihtá ráhkadeapmi

Lasi deivvolašvuohta

Oba fiinnis! Dál dus lea gárvvisin duogášritma, bássa ja váldomelodiija. Čuovvovažžan don beasat dahkat juoidá duođaid fiidná ja geahččaladdat mat leat Sonic Pi:a duođalaš vejolašvuođat. Dál sáhtát lasihit bihttásat ođđa elemeanttaid ja prográmmeret Sonic Pi -prográmma bidjat nuohta du beales. Dat dárkkuha dan ahte sáhtát addit prográmma dahkat válljemiid du beales ovdamearkka dihte das, maid nuohtaid prográmma čuojaha čuovvovaččat.

Bircco ja transponere melodiija

Transponeren oaivvilda nuohttaallodaga earáhuhttima bajás (allelii) dahje vulos (vuollelii). Don sáhtát addit dihtora transponeret iežat bihtá nuohttaallodaga gaskkohagaid. Sáhtát dego bircut ja válljet mainna lágiin nuohttaallodat earáhuhttojuvvo. Dán olis čuovvu ovdamearka, mas nuohtat, mat leat live loopa siskkobealde, earáhuhttojuvvojit guokte nuohttalávkki allelii. Gohččun, mainna transponeren dahkkojuvvo lea: if one_in

live_loop :melody do
  if one_in(6)
    use_transpose 2
  else
    use_transpose 0
  end
  play_pattern_timed [:c4, :e4, :f4, :g4, :f4, :e4, :f4, :g4, :f4, :e4, :f4], [0.25, 0.25, 0.25, 1.5, 0.25, 0.25, 0.25, 0.25, 0.25, 0.25], attack: 0, release: 0.2
end

Fuobmájitgo movt bihtá melodiija čuodjá gaskkohagaid allelis? Ovdamearkkas juohke live_loopa čuojahanháve geavahuvvo gohččun if one_in(6) (juos okta:6(s), mii gohčču Sonic Pi:a bircut guđasiiddot birccu. Juos bircuma boađus lea guhtta, čuovvovaš gurgadasa gohččun use_tranpose 2 ollašuhttojuvvo ja dan čuovvumuššan play_pattern_timed -gohččuma nuohtat čuojahuvvojit guokte nuohttalávkki allelis. Juos bircuma boađus lea vuollái guhtta, prográmma geavaha gohččuma else (eará) maŋŋelaš gohččuma use_tranpose 0, mii dárkkuha ahte melodiija ii transponerejuvvo dahjege dan nuohttaallodat ii rievdaduvvo.

Ráhkat deivvolaš “acid house” (elektromusihka vuollestiila) -bássaoasi

Acid house, mii gohčoduvvo dábálaččat dušše dearpmain acid, lea elektrovnnalaš musihka okta vuollestiillain. Čuovvovaš gohččumiin sáhtát duddjot bássaoasát miellagiddevaš vuogi mielde. Gohččun .choose (vállje) lea ávkkálaš vuohki, mainna sáhttá válljejuvvot listtus deivvolaččat muhtin oasit (elements). Ovdamearkka ná:

play [:c, :e, :g].choose

[:c, :e, :g] lea nuohtaid logahallan, dán dáhpáhusas C-duraceahkkálasa nuohtat. .choose -gohččun vállje deivvolaččat ovtta nuohta dáid nuohtaid joavkkus. Nuohtaid sajes sáhtát gohččumiin válljet maid beare listtus, ovdamearkka dihte botta (sleep) árvvuid, dego mielčuovvu ovdamearkkas:

loop do
  use_octave [0, 1].choose
  play [:c, :e, :g].choose
  sleep [0.25, 0.25, 0.5, 1].choose
end

Sonic Pi-prográmmas don it dárbbaš vealtakeahttá muitit mat nuohtaid gullet mange šukŋii. Sonic Pi -prográmma muitá daid du beales. Dan sadjái ahte čálát gohččuma [:c, :e, :g], sáhtát čállit gohččuma (chord :C, :major). Gohččun dahká automáhtalaččat listtu C-duraceahkkálasa nuohtain. Ovdamearkka dihte:

loop do
  play (chord :c, :major).choose
  sleep [0.25, 0.25, 0.5, 1].choose
end

Mii geavahit dán gohččuma bássaoasi duddjomii acid house -musihkkastiilii mihtilmassan “bulljarastin”. Vurke iežat duoji nu ahte deattát Save (vurke)-boalu, vai sáhtát dárbbu mielde geavahit dan ođđasit iežat ovdal dahkan bássaoasi ja kopiere aiddo dál adnojuvvon :bass-luhppa ođđa buffer (duohčas) -gaskabláđđái. Gurre bássa luhpa sisdoalu vai sáhtát duddjot ođđasa.Geavahuvvo ođđa bássaoasi várás klassihkalaš syntetisáhtora :tb303 ja čuojahuvvojit C-duraceahkkálasa nuohtat 1/16-nuohta guhkkosažžan:

live_loop :bass do
  use_synth :tb303
  play (chord :C2, :major).choose
  sleep 0.25
end

Na dat gai ii orron vel beare buorre. Nuohtaid guhkkodat (navddusin release: 1) dagaha dan, ahte dat čudjet badjálaga ja šaddet buvrun. Mii lasihit pláy-gohččuma maŋŋái ođđa paramehtera, release: 0.125

live_loop :bass do
  use_synth :tb303
  play (chord :C2, :major).choose, release: 0.125
  sleep 0.25
end

Oassi čuodjá juo buorebut, muhto jietna galgá vel duddjojuvvot. Dán rádjái don leat geavahan attack: ja release: -doaimmaid play-gohččuma olis. Iešguđetlágán duddjongohččumat leat eatnaŧ ja fállu sorjá das man syntetisáhtora geavahat. Ovdamearkka dihte :tb303-syntetisáhtoriin leat 45 iešguđetlágán paramehtera, maiguin jiena sáhttá duddjot. Čuovvovažžan geavahit bássaoassái gohččuma cutoff (čuohppá eret). Gohččun čuohppá jienas eret buot dávjodagaid du válljen čuohppanárvvu bajábealde. Cutoff-gohččuma olis sáhtát geavahit árvvuid 0 – 130 gaskkas.

Cutoff-doaimmain ii dárbbaš geavahit dušše giddes lohkoárvvu, muhto sáhtát geavahit maid deivvolaččat válljejuvvon árvvu. Sáhtát geavahit gohččuma rrand (minimaárvu, maksimaárvu), mainna sáhtát duddjot deivvolaččat loguid minima- ja maksimaárvvuid gaskkas. Geahččal gohččuma bássaoasistat:

live_loop :bass do
  use_synth :tb303
  play (chord :C2, :major).choose, release: 0.125, cutoff: rrand(60, 110)
  sleep 0.25
end

Oba fiinnis! Muitte dutkat ja geahččalit gohččuma iešguđetlágán árvvuiguin. Muittuhussan vulobealde lea čállojuvvon koda, mas leat dán rádjái iežat oahppan máhtut ja gohččumat:

use_bpm 120

live_loop :drums do
  sample :drum_heavy_kick
  sleep 1
  sample :drum_snare_hard
  sleep 1
  sample :drum_heavy_kick
  sleep 1
  sample :drum_snare_hard
  sleep 1
end

live_loop :hihat do
  sample :drum_cymbal_closed
  sleep 0.25
  sample :drum_cymbal_pedal
  sleep 1
end

live_loop :bass do
  use_synth :tb303
  play (chord :C2, :major).choose, release: 0.125, cutoff: rrand(60, 110)
  sleep 0.25
end


live_loop :melody do
  if one_in(6)
    use_transpose 2
  else
    use_transpose 0
  end
  play_pattern_timed [:c4, :e4, :f4, :g4, :f4, :e4, :f4, :g4, :f4, :e4, :f4], [0.25, 0.25, 0.25, 1.5, 0.25, 0.25, 0.25, 0.25, 0.25, 0.25], attack: 0, release: 0.2
end